الى كل سعودى مكتوب فى بطاقته ذكر

الى كل انسان سعودي مكتوب في بطاقة احواله ذكر

هالمرأة المحافظة الملتزمة المحتشمة العفيفة الطاهرة الغافلة عن الدنايا

السعودية هي جدتك وامك وعمتك وخالتك واختك وزوجتك وبنتك

كلامك عن السورية لايدل الا على ماضيك الاغبر
والا وش عرفك عن السورية وتعاملها وكلامها وجسمها

يعني سترك الله بس ودك تفضح نفسك
وجاي تبرر سفرياتك المتتالية لسوريا .
وتبرر زواجك من الرقاصة الفلانية فالكازينو الفلاني..
تبرر علاقاتك الغيركويسة وتعطيها اعذار ..

بعدين من وين جات السعودية مثلا..!
موالمرأة هي التي تُخلق من الرجل
يعني الجينات اللي تحملها ماهي الا جينات اباها وجدها
يعني انتو الوباء والبلاء

ولو تزوجت ياسعودي روسية تلمع بناتك بتطلع ركبهم سود..على ابوهم
ولو تتزوج بروفسورة المانية بتطلع عقليات بناتك صغيرة..على ابوهم
ولو تتزوج شاعرة تركية بتطلع ألسنت بناتك سم..على ابوهم

يعني الحل هو التخلص منكم ... عشان ماتتكاثر جيناتكم المروحة

ولو يعطيني ابوعابد صلاحيات ملكية لمدة يومين ... على طول انفيكم للربع الخالي
واجيب الصينيين يسوون لكم مثل سورهم العظيم على اطراف المنطقة بس يخلونه مكهرب لين تنقرضون

وافتح باب الزواج من الخارج للبنات ... تحت شعار :فلنحمي مستقبل بناتنا

بعدين لحظة وش عندكم عالمحشي والخضروات هاليومين..!؟
السوري لازم ياكل خضروات ومحشي وسفرة اشكال والوان عشان يحافظ على لون خدوده الوردي بس السعودي على اساس ياكل خضار..؟!

انتم اقصى طموحكم كبسة ضب او تيس مندي ..
واذا واحد سوت له زوجته ايدام بوز كفراته وطلع ركض
عالمطعم البخاري ياخذ رز 4 انفار ويغمز للرفيق يقول اكثر

صبراً جميل أيتها الفتاة السعودية والله المستعان على مايصفون

وللاسف مايكفي السعودي الجينات المروحة و المعفنة اللي مورثها لبناته ويكمل بالتربية الفاشلة ويعبي بناته عقد بالدرزن ويربي اولاده على نفس الاساليب عشان لومات يضمن بقاء هالعقد عند البنت ومع هذا تكافح هالبرئية وتصارع هالظروف وتتثقف نفسها وتتطور وتستعد لبناء حياة زوجية سليمة وتصبر نفسها وتقول اكيد بس ابوي واخواني اللي كذا
ماتدري مسكينة ان مصيرها تفطر على بصلة
وش عرفني انا؟ .. لان هذا الموجود

واذا جاء هالفارس المتلطم راحت السوق وشرت اي شي عليه حرفه
وبدت المغدورة تسمع قصائد وترسم قلوب
وتدخل هالعلاقة المقدسة وهي مصفية النية
وتبدى رحلت العنى مع هالسعودي المتوحش
ويشتغل عليها تحطيم وكررش لين ترمي اخر سلسة عليها حرفة مع الطاقة

ويجي بكل بساطة يقول ..السعودية بس بداية الزواج تكون رومانسية بعدين تقلب
والمفروض يقول:السعودية قدرت تقاوم بثارتي وغلاستي وثقاله طينتي 3 شهور

اما موضوع المهر ومامهر فمو ذنبها هذي قوانين وضعتوها انتم يالرجال
والله ماسوو السعوديات مؤتمر وطلعوا بتوصيات احداها كم يدفع الخاطب مهر..!؟

وبعد هالمهر اللي طلعه من قلبه مو من جيبه
ماعاد تشوف منه شي .. الا كيس دجاج وكيس رز لكرشته
ومرتين فحياتها هديه وغير مغلفة والسعر عليها مايشيله ويمكن يزيد صفر جنبه<<هاذا اذا عطاها هديه

والله مايعرفلكم الا السورية تخليكم تكدون على حارتها كلها ومافي مانع ترسل لاقاربها المغتربين
وشي طبيعي انها تسايركم لانها مومعشمه فيكم اصلا
وتعرفون نظرة الاجانب للسعوديين
فتدخل وهي معشمه فحسابه فقط
مومثل السعودية المسكينة اللي حاطه كل العشم فهالسعودي
فتعمل لكل كلمة وفعل منه الف حساب
ولوركزت شوي فالواقع كان عطتكم الحجم اللي اعطتكم اياه الاجنبية

ولو جمعنا مايصرفه السعودي على سفرياته للبحرين وسوريا والمغرب وغيرها
ومايدفعه في مراقصها
ومايكده على بناتها
والمصروفات اللي يدفعها على عشيقاته
ومن ضمنها بطائق الشحن للجوال
والمهايطات والمظاهر الكذابة
لبلغ اضعااف اضعاف تكاليف الزواج من 4 سعوديات وليس واحده

لكن يجلس يلعب بذيله مايقارب العشرين سنه لين يتطمن انه ماخلى مرقص ولابنت ولاخنبقة الاجربها
وسار مطفر ومديون وكله امراض ونفسيته مريضة
ثم قال :المهور غالية ومافي سعوديات حلوات
سبحان من رفعهم عنك

اقرى احيانا( الاجنبية اسلوبها لطيف وراقي)..؟!

طيب هي ابوها واخوها يكلمونها بهالطريقة ويشجعونها عليها

اما السعودي :يابنت تكلمي زين..
وش فيك تتدلعين بصوتك بلاقلة حياء
من وين جبتي كلمة عمري!
ايش الحركات المايعة هذي اجلسي زي الناس؟.
امسحي المكياج عييييب.. وهلم جرا

السعودي وضعين ينعدل لسانه فيها ..وهو يغازل ..وفي هالحالة مايستغني عن مجلة فواصل لازم تكون فحضنه
او فأول مكالمة مع خطيبته..واذا بغى يسوي جنتل معاها

قال:وش سار لك يوم شفتيني ؟

وش تتوقع يعني..اكيد ارتطمت بالواقع وندمت انها قد شافت تليفزيون..

رضينا بالهم والهم مارضا فينا


اقول
ماتلاحظون الشباب السعودي
ياواحد عنده رهاب اجتماعي
ياواحد بجـــح حتى كلامه له ريحه !؟

جاني ايميل فيه مقارنه بين السعوديه والامريكيه والسوريه واللبنانيه
ومبينين فيه السعوديه انها غبيه وقحه وبس تبي تنام والباقي وش زينهم وهم والله ما صدقوا
بس اتوقع الا مألف الايميل عنده عقد الله يشفيه
بصراحه ملين من الايميلات البايخه
والمشكله مانقدر ندعي عليهم لانهم عيالنا مانقول غير الله يهديهم

واعتذر من كل سعودي محترم يعرف قيمه المرأة السعودية وما يخنبق بهالكلام التافه

متأكده اعتذاري ماراح يوصل احد .



هذا موضوع لفتاة سعودية كتبته فى منتدى سعودى بعدما ملت من انتشار المواضيع المحطمه للفتاة السعودية بعد مقارنتها مع باقى فتيات العالم

منقووووووووووووووووول للنقاش
ارجوا من اخواني واخواتي بهذا المنتدى أبداء ارائهم